ఈ గాలి పయనమెందాకా ఈ నేల ఎరుపు ఎందాకా

ఈ గాలి పయనమెందాకా ఈ నేల ఎరుపు ఎందాకా
ఆకాశం అంతా తిరిగి ఆడాలని,
అనువణువు అనుభవించి సాగిపోనా

గాలిలో యెగురుతూ రెక్కలున్న పక్షివలే
గగనంతరాలవరకు యెగిరి పోనా
రవికిరణపు చురుకునై రణరంగపు మేనిలో
చురకత్తిలగా నేను దూరిపోనా

నిప్పులోని మంటనై నీ వూపిరి ఉప్పెనై
పిరికితనపు మనిషిలో దూరిపోనా
నింగిలోన మేఘమై నేల జారు చినుకునై
జీవధార లాగా నేను సాగిపోనా

పూవులగా పరిమలిస్తు తేనెపంచు మమతనై
యెద యెదలో తీపి గురుతులోదిలిపోనా
ప్రకృతిలోన పలురకాల ఆకృతులను మార్చుకొని
ఆమనికే అందాలు అద్దిపోనా

స్వేచ్ఛ కోరు పక్షిలా సెలయేటి చేపలా
చంద్రునోలే చల్లగా వెలిగిపోనా
మంచి మనసు మామటనై మరుపురాని పాటనై
మహిత నిండ పండుగలా ఉండిపోనా

రచన తేది: 21.11.2004